رشا رزق - الممثل
الكلمات
اتسكرت الستارة
وصفق الجمهور
ولبست الضحكة نفسها
وحييت الحضور
مسحت المكياج
ومسحت الشخصية
وشلحتْ الازياء
وشلحت الحرية
واطلعت عالشارع
سرقت من وجوه الناس
قناع الواقع
رمادي بلا احساس
بلا احساس
القناع الهادي
الي غالبا حيادي
وبدون الانفعال
وللصدق ما في مجال
وشكلي صار متل اي انسان
لحتى ما يقولوا عني فنان
والمزاج لازم تمام
منشان الصورة
بالاعلام
بالاعلام
وفتحت الستارة
وصفق الجمهور
وانتعش قلبي
بصوتي يحكي
بين سطور عن حب عن موت
عن جوع عن خوف
عن كلمة بدي قولا
مخنوقة بالجوف
وبصير انا
متل ما بدي انا
كون الصورة والمضمون
كون الفكرة والجنون
والحقيقة بالعيون
وهيك بكون
كل يوم بعيد الكرّة
دوري برجع بعيد
كل يوم الستارة الحمرا
بتتكفلني من جديد